Penitensiar xidmətin Cəzaçəkmə Müəssisəsində voleybol üzrə turnir keçirilmişdir.
Azərbaycan Respublikası Ədliyyə Nazirliyinin Penitensiar xidməti ilə Baş İdarənin birgə tədbirlər planına müvafiq olaraq 11 – 17 avqust 2011-ci il tarixdə Penitensiar xidmətin 12 saylı Cəzaçəkmə Müəssisəsində voleybol üzrə turnir keçirilmişdir. Turnirin açılışında Penitensiar xidmətin Tərbiyə işinin təşkili idarəsinin inspektoru, ədliyyə mayoru Samir Mehtiyev və Bakı Şəhər Gənclər və İdman Baş İdarəsinin baş məsləhətçisi Elvin Əhmədov çıxış edərək keçirilən tədbirlərin məhkumların asudə vaxtlarının səmərəli təşkili, onların vətənpərvərlik ruhunda tərbiyəsi və idmana maraqlarının artırılması sahəsində böyük rol oynadığını vurğulamış, turnir iştirakçılarına uğurlar diləmişlər.
Cəzaçəkmə Müəssisəsinin məhkumlarından ibarət 8 komandanın iştirakı ilə dairəvi sistem üzrə keçirilən turnirdə I yeri "Bakı" komandası, II yeri "Qaradağ" komandası, III yeri isə "İnter" komandası tutmuşdur.
Turnirdə I, II və III yerlərə layiq görülmüş komandaların üzvləri Bakı şəhər Gənclər və İdman Baş İdarəsi tərəfindən xatirə hədiyyələri və müvafiq dərəcəli diplomlarla təltif olunmuş, müəssisəyə voleybol toru və toplar hədiyyə edilmişdir.
