Gürcüstanın Xulo şəhərində yunan-roma güləşi üzrə turnir keçirilmişdir
31 avqust-02 sentyabr 2011-ci il tarixlərdə Gürcüstan Respublikasının Xulo şəhərində Gürcüstan Respublikasının əməkdar məşqçısı Qodeodzi Bolkvadzenin xatirəsinə həsr olunmuş yeniyetmələr arasında yunan-roma güləşi üzrə beynəlxalq turnir keçirilmişdir. Yunan-roma güləşi üzrə Bakı şəhər yığma komandası qeyd olunan turnirdə iştirak etmək üçün Bakı şəhər Gənclər və İdman Baş İdarəsi tərəfindən Gürcüstan Respublikasına ezam olunaraq ölkəmizi uğurla təmsil etmiş və güləşçılərimiz 1 qızıl, 3 gümüş və 1 bürünc medal olmaqla, komandamıza 5 medal qazandırmışlar. Beləliklə, I yerə Sənan Əlimirzəyev (59 kq), II yerə Əli Lətifov (32 kq), Tərlan Sülüymanlı (59 kq), Mehman Ələsgərov (73 kq), III yerə isə Kərim Quliyev (53 kq) layiq görülmüşlər. İdmançılarımızı təbrik edirik!
