15 may 2011-ci il tarixdən start götürən futbol üzrə Bakı şəhər çempionatına yekun vurulmuşdur. Çempionatda iki yarım qrupda 10 komanda iştirak etmişdir Gərgin mübarizə şəraitində keçən oyunlarda finala Səbail, Dinamo, Xəzər Nur, Ümid komandaları vəsiqə qazanmışlar.19 iyun 2011-ci il tarixdə Qaradağ Təlim İdman Bazasının futbol meydançasında final oyunları keçirilmişdir. Dinamo-Səbail komandaları arasında gedən mübarizədə Səbail komandası 7:5 hesabı ilə, digər final oyununda isə Xəzər Nur-Ümid komandaları arasında gedən mübarızədə isə Ümid komandası 3:0 hesabı ilə qalib gəlmişdir. Beləliklə, nəticələrə görə I yerə Səbail komandası, II yerə Dinamo komandası, III yerə isə Ümid komandası layiq görülmüşlər.
Yarışda I, II və III yerləri tutmuş komandalar Bakı Şəhər Gənclər və İdman Baş İdarəsi tərəfindən kubok, müvafiq dərəcəli diplomlar və xatirə hədiyyələri ilə təltif olunmuşlar.