Bədii gimnastika üzrə Bakı şəhər açıq birinciliyi keçirilmişdir.
03-04 fevral 2012-ci il tarixdə Bakı şəhər Gənclər və İdman Baş İdarəsinin həyata keçirdiyi tədbirlər planına müvafiq olaraq Bakı Olımpiya İdman Kompleksində Bakı şəhər Gənclər və İdman Baş İdarəsi tərəfindən 6 yaş qrupu üzrə: 1997-99, 2000, 2001, 2002, 2003, 2004-cü il təvəllüdlü idmançılar arasında bədii gimnastika üzrə Bakı şəhər açıq birinciliyi keçirilmişdir.
Yarışda “Spartak” İC-nı (18 nəfər), “Neftçi” İSM-ni (19 nəfər), BGİM-ni (39 nəfər), RKİM-ni (26 nəfər), Nizami r-n UGYM-ni (3 nəfər), DİN İC-ni (4 nəfər), “Sərhədçi” İOM-ni (17 nəfər), “Start” İK-nı (6 nəfər), “Təhsil” UGFM-ni (2 nəfər), Sumqayıt ŞGİBİ (2 nəfər), Xırdalan şəh. (1 nəfər), “Zirvə” İK-nu (6 nəfər), Qusar OİK-ni (1 nəfər), Gəncə ŞTİ-ni (1 nəfər), Qazaxıstan R-nı (4 nəfər), Gürcüstan R-nı (1 nəfər) və Türkiyəni (1 nəfər) təmsil edən 151 idmançı iştirak etmişdir. Birincilikdə 1997-99-ci il təvəllüd üzrə I yerə Mənsurə Bağıyeva (RKİM), 2000-ci il təvəllüd üzrə I yerə Jalə Piriyeva (RKİM), 2001-ci il təvəllüd üzrə I yerə Leyli İbrahimova (“Spartak”İC), 2002-ci il təvəllüd üzrə I yerə Vəfa Həsənzadə (BGİM), 2003-cü il təvəllüd üzrə I yerə Ləman Hüseynova (“Spartak”İS), 2004-cü il təvəllüd üzrə I yerə Lalə Kramarenko (“Spartak” İC), qrup hərəkətləri üzrə isə I yerə “Spartak”İC-nin komandası layiq görülmüşlər.
Yarışda I, II və III yerləri tutmuş idmançılar Bakı şəhər Gənclər və İdman Baş İdarəsi tərəfindən müvafiq dərəcəli diplomlar və xatirə hədiyyələri ilə təltif olunmuşlar.
